John 16
1ខ្ញុំបានប្រាប់សេចក្ដីទាំងនេះដល់អ្នករាល់គ្នាដើម្បីកុំឲ្យអ្នករាល់គ្នាជំពប់ដួល 2ប៉ុន្តែនឹងមានពេលមួយមកដល់ដែលពួកគេនឹងបណ្ដេញអ្នករាល់គ្នាចេញពីសាលាប្រជុំរួចពួកអ្នកដែលសម្លាប់អ្នករាល់គ្នានឹកស្មានថាគេថ្វាយការបម្រើដល់ព្រះជាម្ចាស់ 3ប៉ុន្តែអ្វីៗទាំងនេះដែលពួកគេនឹងធ្វើចំពោះអ្នករាល់គ្នាគឺមកពីពួកគេមិនស្គាល់ព្រះវរបិតាហើយក៏មិនស្គាល់ខ្ញុំដែរ។ 4ដូច្នេះខ្ញុំប្រាប់អ្នករាល់គ្នាអំពីសេចក្ដីទាំងនេះដើម្បីកាលណាពេលវេលានោះមកដល់នោះអ្នករាល់គ្នាអាចចាំថាខ្ញុំបានប្រាប់អ្នករាល់គ្នារួចហើយ។ ពីដំបូងខ្ញុំមិនបានប្រាប់អ្នករាល់គ្នាអំពីសេចក្ដីទាំងនេះទេព្រោះខ្ញុំនៅជាមួយអ្នករាល់គ្នា។កិច្ចការរបស់ព្រះវិញ្ញាណបរិសុទ្ធ
5ប៉ុន្តែឥឡូវនេះខ្ញុំទៅឯព្រះអង្គដែលបានចាត់ខ្ញុំឲ្យមកហើយក៏គ្មានអ្នកណាម្នាក់ក្នុងចំណោមអ្នករាល់គ្នាសួរខ្ញុំថាតើព្រះអង្គទៅណាដែរ? 6ដ្បិតចិត្ដរបស់អ្នករាល់គ្នាពេញដោយសេចក្ដីព្រួយដោយសារខ្ញុំប្រាប់អ្នករាល់គ្នាអំពីសេចក្ដីទាំងនេះ។ 7ប៉ុន្តែខ្ញុំប្រាប់អ្នករាល់គ្នាអំពីសេចក្ដីពិតថាការដែលខ្ញុំទៅនោះវាល្អប្រសើរសម្រាប់អ្នករាល់គ្នាវិញដ្បិតបើខ្ញុំមិនទៅទេនោះអ្នកជំនួយក៏មិនមកឯអ្នករាល់គ្នាដែរប៉ុន្តែបើខ្ញុំទៅវិញខ្ញុំនឹងចាត់អ្នកជំនួយនោះឲ្យមកឯអ្នករាល់គ្នា 8ហើយនៅពេលអ្នកជំនួយនោះមកព្រះអង្គនឹងធ្វើឲ្យមនុស្សលោកយល់អំពីបាបសេចក្ដីសុចរិតនិងការជំនុំជម្រះ។ 9អំពីបាបគឺដោយព្រោះពួកគេមិនជឿខ្ញុំ 10អំពីសេចក្ដីសុចរិតគឺដោយព្រោះខ្ញុំទៅឯព្រះវរបិតាវិញហើយអ្នករាល់គ្នាមិនឃើញខ្ញុំទៀតទេ 11អំពីការជំនុំជម្រះគឺដោយព្រោះចៅហ្វាយរបស់លោកិយនេះត្រូវជាប់ជំនុំជម្រះហើយ។ 12ខ្ញុំមានសេចក្ដីជាច្រើនទៀតដែលត្រូវប្រាប់អ្នករាល់គ្នាប៉ុន្តែឥឡូវនេះអ្នករាល់គ្នាពុំអាចទទួលបានទេ។ 13នៅពេលព្រះអង្គដែលជាព្រះវិញ្ញាណនៃសេចក្ដីពិតមកដល់ព្រះអង្គនឹងនាំអ្នករាល់គ្នាទៅក្នុងគ្រប់ទាំងសេចក្ដីពិតដ្បិតព្រះអង្គនឹងមិនមានបន្ទូលតាមតែព្រះអង្គផ្ទាល់ទេផ្ទុយទៅវិញព្រះអង្គនឹងមានបន្ទូលអំពីអ្វីដែលព្រះអង្គបានឮហើយព្រះអង្គនឹងបញ្ជាក់ឲ្យអ្នករាល់គ្នាដឹងអំពីហេតុការណ៍ដែលត្រូវមកដល់ 14ព្រះអង្គនឹងតម្កើងខ្ញុំឡើងព្រោះព្រះអង្គនឹងទទួលយកអ្វីៗជារបស់ខ្ញុំមកប្រាប់ឲ្យអ្នករាល់គ្នាដឹង 15អ្វីៗដែលព្រះវរបិតាមានគឺជារបស់ខ្ញុំហេតុនេះបានជាខ្ញុំប្រាប់ថាព្រះអង្គនឹងទទួលយកអ្វីៗជារបស់ខ្ញុំមកប្រាប់ឲ្យអ្នករាល់គ្នាដឹង។ទុក្ខព្រួយត្រលប់ជាអំណរ
16នៅបន្តិចទៀតអ្នករាល់គ្នានឹងលែងឃើញខ្ញុំទៀតហើយប៉ុន្តែបន្តិចក្រោយមកអ្នករាល់គ្នានឹងឃើញខ្ញុំវិញ»។ 17ដូច្នេះពួកសិស្សរបស់ព្រះអង្គខ្លះបាននិយាយគ្នាថា៖ «តើមានន័យយ៉ាងដូចម្ដេចដែលព្រះអង្គមានបន្ទូលមកយើងថានៅបន្តិចទៀតអ្នករាល់គ្នានឹងលែងឃើញខ្ញុំទៀតហើយប៉ុន្តែបន្តិចក្រោយមកអ្នករាល់គ្នានឹងឃើញខ្ញុំវិញហើយមានបន្ទូលទៀតថាព្រោះខ្ញុំទៅឯព្រះវរបិតា?» 18ពេលនោះពួកគេនិយាយថា៖ «តើព្រះអង្គប្រាប់ថាបន្តិចទៀតនេះមានន័យយ៉ាងដូចម្ដេច? យើងមិនយល់អ្វីដែលព្រះអង្គមានបន្ទូលនោះទេ»។ 19ប៉ុន្តែពេលព្រះយេស៊ូជ្រាបថាពួកគេចង់សួរព្រះអង្គព្រះអង្គមានបន្ទូលទៅពួកគេថា៖ «តើអ្នករាល់គ្នាកំពុងសួរគ្នាអំពីពាក្យនេះឬដែលខ្ញុំប្រាប់ថាបន្តិចទៀតនេះអ្នករាល់គ្នានឹងលែងឃើញខ្ញុំហើយប៉ុន្តែបន្តិចក្រោយមកអ្នករាល់គ្នានឹងឃើញខ្ញុំវិញ? 20ខ្ញុំប្រាប់អ្នករាល់គ្នាជាពិតប្រាកដថាអ្នករាល់គ្នានឹងយំហើយកាន់ទុក្ខប៉ុន្តែលោកិយនេះនឹងអរសប្បាយ។ អ្នករាល់គ្នានឹងព្រួយចិត្តប៉ុន្តែសេចក្ដីទុក្ខព្រួយរបស់អ្នករាល់គ្នានឹងត្រលប់ជាអំណរវិញ 21ដ្បិតពេលស្ត្រីសម្រាលកូននាងព្រួយចិត្តព្រោះពេលកំណត់របស់នាងមកដល់ប៉ុន្តែពេលសម្រាលកូនហើយនាងក៏លែងនឹកចាំពីសេចក្ដីវេទនាទាំងនោះទៀតហើយព្រោះមានអំណរដែលមនុស្សម្នាក់បានកើតមកក្នុងពិភពលោកនេះ។ 22ឥឡូវនេះអ្នករាល់គ្នាព្រួយចិត្តមែនប៉ុន្តែខ្ញុំនឹងជួបអ្នករាល់គ្នាម្ដងទៀតហើយចិត្ដរបស់អ្នករាល់គ្នានឹងអរសប្បាយវិញរួចគ្មានអ្នកណាដកយកអំណរនេះពីអ្នករាល់គ្នាបានឡើយ 23ហើយនៅថ្ងៃនោះអ្នករាល់គ្នាលែងសួរអ្វីខ្ញុំទៀតហើយ។ ដូច្នេះខ្ញុំប្រាប់អ្នករាល់គ្នាជាពិតប្រាកដថាអ្វីៗដែលអ្នករាល់គ្នាសុំពីព្រះវរបិតាដោយនូវឈ្មោះរបស់ខ្ញុំនោះព្រះអង្គនឹងប្រទានដល់អ្នករាល់គ្នា។ 24រហូតមកទល់ពេលនេះអ្នករាល់គ្នាមិនដែលបានសូមអ្វីដោយនូវឈ្មោះខ្ញុំទេ! ចូរសូមចុះនោះអ្នករាល់គ្នានឹងបានហើយអំណររបស់អ្នករាល់គ្នានឹងបានពេញបរិបូរ។ព្រះយេស៊ូនឹងមានជ័យជំនះ
25ខ្ញុំប្រាប់អ្នករាល់គ្នាជារឿងប្រៀបប្រដូចអំពីសេចក្ដីទាំងនេះប៉ុន្តែកាលណាពេលកំណត់មកដល់ខ្ញុំលែងនិយាយនឹងអ្នករាល់គ្នាជារឿងប្រៀបប្រដូចទៀតហើយផ្ទុយទៅវិញខ្ញុំនឹងប្រាប់អ្នករាល់គ្នាយ៉ាងច្បាស់អំពីព្រះវរបិតា 26ហើយនៅថ្ងៃនោះអ្នករាល់គ្នានឹងសុំដោយនូវឈ្មោះរបស់ខ្ញុំហើយខ្ញុំមិនប្រាប់អ្នករាល់គ្នាថាខ្ញុំនឹងសុំព្រះវរបិតាជំនួសអ្នករាល់គ្នាទេ 27ដ្បិតព្រះវរបិតាផ្ទាល់ស្រលាញ់អ្នករាល់គ្នាព្រោះអ្នករាល់គ្នាស្រលាញ់ខ្ញុំហើយជឿថាខ្ញុំបានមកពីព្រះជាម្ចាស់។ 28ខ្ញុំបានមកពីព្រះវរបិតាហើយចូលមកក្នុងលោកិយនេះដូច្នេះខ្ញុំនឹងចេញពីលោកិយនេះហើយទៅឯព្រះវរបិតាវិញ»។ 29ពួកសិស្សរបស់ព្រះអង្គទូលថា៖ «មើល៍ឥឡូវនេះព្រះអង្គមានបន្ទូលដោយច្បាស់លាស់មិនបានមានបន្ទូលជារឿងប្រៀបប្រដូចទៀតទេ 30ហើយឥឡូវនេះយើងដឹងថាព្រះអង្គជ្រាបអំពីអ្វីៗទាំងអស់ដោយមិនចាំបាច់មានអ្នកណាម្នាក់សួរព្រះអង្គឡើយដូច្នេះហើយយើងជឿថាព្រះអង្គបានមកពីព្រះជាម្ចាស់មែន»។ 31ព្រះយេស៊ូមានបន្ទូលទៅពួកគេថា៖ «ឥឡូវនេះតើអ្នករាល់គ្នាជឿហើយឬ? 32មើល៍ពេលកំណត់ដែលត្រូវមកដល់នោះបានមកដល់ហើយគេនឹងធ្វើឲ្យអ្នករាល់គ្នាខ្ចាត់ខ្ចាយទៅរៀងៗខ្លួនហើយទុកឲ្យខ្ញុំនៅតែឯងប៉ុន្តែខ្ញុំមិននៅតែឯងទេព្រោះព្រះវរបិតាគង់នៅជាមួយខ្ញុំ។ 33ខ្ញុំប្រាប់អ្នករាល់គ្នាអំពីសេចក្ដីទាំងនេះដើម្បីឲ្យអ្នករាល់គ្នាមានសេចក្ដីសុខសាន្តដោយសារខ្ញុំ។ អ្នករាល់គ្នាមានសេចក្ដីវេទនានៅក្នុងលោកិយនេះមែនប៉ុន្តែចូរអរសប្បាយឡើងដ្បិតខ្ញុំឈ្នះលោកិយនេះហើយ»។
Copyright information for
KhmKCB